Құрметті әріптестер!
“AQNIET” Қазақстандық денсаулық сақтау және қоғамдық қызмет көрсету қызметкерлерінің салалық кәсіподағы атынан және өз атымнан Сіздерді мемлекеттік мереке – Қазақстан Республикасының Тәуелсіздік күнімен құттықтаймын!
Бұл күн халқымыздың бостандығын, бірлігі мен тәуелсіздігін білдіреді. Қажырлы еңбектеріңіздің арқасында еліміз халықаралық аренада өз ұстанымын нығайта отырып, қоғамдық өмірдің барлық салаларын дамытып, алға жылжуды жалғастыруда.
Денсаулық сақтау және әлеуметтік сала қызметкерлеріне ерекше алғысымды білдіргім келеді, кәсібиліктеріңіз бен іске шынайы берілгендіктеріңізбен күн сайын Отанымыздың өркендеуіне зор үлес қосып келесіздер. Халқымыздың әл-ауқаты мен денсаулығының негізі – Сіздердің еңбектеріңіз.
Бұл мереке бізді жаңа жетістіктерге шабыттандырып, Қазақстанның жарқын болашағына деген сенімімізді нығайтсын және еліміздің күші оның халқының бірлігінде екенін еске салсын.Сіздерге және отбасыларыңызға зор денсаулық, бақыт, бейбітшілік пен амандық тілеймін! Біздің Отанымыз әрқашан гүлденген, мықты, тәуелсіз болсын!
Құрметпен,
“AQNIET” Қазақстандық денсаулық сақтау және қоғамдық қызмет көрсету қызметкерлерінің салалық кәсіподағының төрағасы Бақытжан Тәжібай
