Жаңа жылда тағы бір қуанышты жаңалықпен бөлісуге асығамыз!

Кәсіподағымыздың белсенді мүшесі, Еңбекшіқазақ аудандық №1 аудандық ауруханасының (Шелек ауылы) онколог дәрігері Сабиров Тахир Асанұлы кәсіподақ тарапынан Алтын Жүсіпқызы Даутованың бастамасымен Министрлікке жолданған ұсыныс негізінде «Қазақстан Республикасы Денсаулық сақтау үздігі» ведомствалық төс белгісімен марапатталды.

Бұл марапат — адал еңбектің, жоғары кәсібиліктің және науқастарға деген шынайы жанашырлықтың айқын көрінісі.

Құрметті Тахир Асанұлы, Сізді шын жүректен құттықтаймыз!

Еңбегіңіз әрдайым еленіп, абырой-беделіңіз арта берсін! Зор денсаулық, толағай табыс пен қызмет жолында жаңа жетістіктер тілейміз!

Қымбатты оқырман!

«Ақниет» кәсіподағы әрдайым еңбек адамын жан-жақты қолдау жолында аянбай еңбек етуде.

Сіздерді кәсіподаққа мүше болып, көптеген игіліктерге жол ашуға шақырамыз!