Құрметті әріптестер, кәсіподақ мүшелері және сала еңбеккерлері!
Сіздерді Кәсіподақтар күнімен шын жүректен құттықтаймын!
Кәсіподақ – бұл еңбек адамының құқығы мен мүддесін қорғайтын, әлеуметтік әділдікті орнықтыратын және ынтымақтастықты нығайтатын қуатты күш. Әсіресе, денсаулық сақтау мен халыққа әлеуметтік қызмет көрсету саласында еңбек ететін мамандардың әрбір күнгі қажырлы жұмысы -қоғамның амандығы мен ел болашағының кепілі.«AQNIET» кәсіподағы әрдайым әрбір қызметкердің еңбек жағдайын жақсарту, лайықты жалақы алуын қамтамасыз ету және кәсіби мәртебесін көтеру жолында аянбай еңбек етіп келеді. Біздің басты құндылығымыз – Сіздер және Сіздердің адал еңбектеріңіз!Осынау мерекелі күні бәріңізге берік денсаулық, отбасыларыңызға амандық, береке мен шаттық тілеймін. Кәсіби қызметтеріңізде жаңа табыстар мен асулар көп болсын! Еңбектеріңіз бағаланып, ел алғысына бөлене беріңіздер!
Мерекелеріңізбен!
Ізгі ниетпен,
«AQNIET» Казахстандық денсаулық сақтау және әлеуметтік қызмет көрсету қызметкерлерінің кәсіподақ төрағасы
Бақытжан Тәжібай
