РЕСПУБЛИКА КҮНІНЕ ОРАЙ МЕДИЦИНА ҚЫЗМЕТКЕРЛЕРІ АРАСЫНДА ШАХМАТ ТУРНИРІ ӨТТІ! ♟️🏆
25 қазан – Республика күніне орай «AQNIET» кәсіподағының қолдауымен медицина қызметкерлері арасында шахматтан зияткерлік жарыс ұйымдастырылды.
Аталған іс-шара медицина мамандарының басын қосып, олардың зияткерлік қабілеттерін шыңдауға, өзара тәжірибе алмасуына және әріптестік қарым-қатынасты нығайтуға мүмкіндік берді.
Турнирге келесі медициналық ұйымдардың қызметкерлері қатысты:
Облыстық жедел жәрдем қызметі; Қарғалы аудандық ауруханасы; «Қамқорлық» оңалту орталығы; Қарасу ауылдық амбулаториясы; Дегерес ауылдық амбулаториясы; Айдарлы ауылдық амбулаториясы; Жамбыл көпбейінді аудандық орталық ауруханасы; Аудандық емхана.
ЖАРЫС ЖЕҢІМПАЗДАРЫ:
І ОРЫН — Байбазар ЕскендірОблыстық жедел жәрдем қызметінің қызметкері.
ІІ ОРЫН — Мамедов АлишерҚарғалы аудандық ауруханасының ОГФ мейіргері.
ІІІ ОРЫН — Күлманов БауыржанҚарғалы аудандық ауруханасының жалпы практика дәрігері.
Жеңімпаздарды Жамбыл көпбейінді аудандық орталық ауруханасының басшысы А. С. Калиев құттықтап, кубоктар мен дипломдарды салтанатты түрде табыстады. Сонымен қатар медицина қызметкерлеріне кәсіби қызметтерінде табыс пен жаңа жетістіктер тіледі.
Жарысқа қатысқан барлық қызметкерлерге ынталандыру сыйлықтары табысталды.
«AQNIET» кәсіподағы үшін медицина қызметкерлерінің кәсіби құқықтарын қорғаумен қатар, олардың жан-жақты дамуына, салауатты өмір салтын ұстануына және ұжымдық бірлігін нығайтуға қолдау көрсету де маңызды бағыттардың бірі.Мұндай спорттық және зияткерлік іс-шаралар әріптестер арасындағы ынтымақтастықты арттырып, ұжымдық рухты көтеруге ықпал етеді.
Барлық қатысушыларға белсенділіктері үшін алғыс білдіреміз! Жеңімпаздарды шын жүректен құттықтаймыз!
AQNIET — БІРЛІККЕ БАСТАЙТЫН, ЖЕТІСТІККЕ ҚОЛДАЙТЫН КӘСІПОДАҚ!
