10 ҚАЗАН – ҚАЗАҚСТАН КӘСІПОДАҚТАРЫ КҮНІ ҚҰТТЫ БОЛСЫН!
Құрметті әріптестер, кәсіподақ мүшелері және кәсіподақ қозғалысының белсенділері!
Сіздерді 10 қазан – Қазақстан кәсіподақтары күнімен шын жүректен құттықтаймын!
Кәсіподақ – еңбек адамының сенімді тірегі, әділдік пен ынтымақтастықтың, бірлік пен өзара қолдаудың айқын көрінісі.
Біздің басты мақсатымыз – әрбір еңбек адамының құқықтары мен мүдделерін қорғау, лайықты еңбек жағдайларын қалыптастыру, әлеуметтік кепілдіктерді нығайту және қызметкерлердің әл-ауқатын арттыру.
«AQNIET» кәсіподағы – бұл жай ғана қоғамдық ұйым емес, бұл ортақ мақсатқа жұмылған үлкен отбасы, сенім мен қолдаудың, қамқорлық пен бірліктің мекені!
Бүгінде кәсіподақ қозғалысының дамуына үлес қосып жүрген әрбір белсендіге, бастауыш кәсіподақ ұйымдарының төрағаларына және барша кәсіподақ мүшелеріне шынайы алғысымды білдіремін!
Сіздердің белсенділіктеріңіз, жауапкершіліктеріңіз және адал еңбектеріңіз – кәсіподағымыздың басты күші мен жетістігінің негізі.
Осы мерейлі мерекеде баршаңызға зор денсаулық, отбасыларыңызға амандық, еңбектеріңізге табыс, шаңырақтарыңызға бақ-береке тілеймін!
Бірлігіміз бекем, ынтымағымыз жарасымды, еңбегіміз жемісті болсын!
Күшіміз – бірлікте, тірегіміз – ынтымақтастықта, болашағымыз – бірге!
Қазақстан кәсіподақтары күні құтты болсын!Ізгі тілекпен,
Даутова Алтын Жүсіпқызы
«AQNIET» Қазақстандық денсаулық сақтау және қоғамдық қызмет көрсету қызметкерлері салалық кәсіподағының Алматы қаласы мен Алматы облысы филиалының төрағасы.
