«AQNIET» кәсіподағының төрағасы, Еуропа федерациясының (EPSU) вице-президенті Бақытжан Тәжібайдың денсаулық сақтау саласының әлеуметтік серіктестеріне, еліміздің денсаулық сақтау басқармаларының басшыларына жолдаған арнайы құттықтауын табыстадық. Сонымен қатар, 2026–2028 жылдарға арналған Салалық келісім мен «AQNIET» кәсіподағының 2025 жылы атқарған ауқымды жұмыстары қамтылған ақпараттық кітапшаны Орталық кеңес төрағасы Бақытжан Арынұлының және филиал атынан Жетісу облысының денсаулық сақтау басқармасының басшысы Асқар Садықовқа салтанатты түрде ұсындым.

Кездесу барысында Асқар Маратұлы көрсетілген құрмет пен ықылас үшін алғысын білдіріп, «AQNIET» кәсіподағының қызметімен жақсы таныс екенін атап өтті. Сондай-ақ, медицина қызметкерлерінің құқықтары мен әлеуметтік мүдделерін қорғау жолындағы кәсіподақтың жемісті бастамаларына жоғары баға беріп, ұйымның алдағы уақытта да қанатын кеңге жайып, жаңа жетістіктерге жете беруіне ақжарма тілегін жеткізді.

Осындай өзара түсіністікке, сенім мен серіктестікке негізделген ынтымақтастық – денсаулық сақтау саласындағы тұрақтылықтың, еңбек адамына деген құрметтің және ортақ мақсаттарға бастар берік қадамның айқын айғағы.