Бүгін ел өңірлерінен жиналған «AQNIET» салалық кәсіподағының мүшелері үшін Аналитика және корпоративтік басқару академиясының ұйымдастыруымен мемлекеттік тілде арнайы оқыту семинары өтуде.

Семинардың басты бағыттары:

Келісім комиссиясының жұмысы: Еңбек дауларын сотқа дейін әділ әрі тиімді шешу тетіктері;

Қызметкерлердің құқығын қорғау: Еңбек заңнамасын практикада дұрыс қолдану және ұжымдық шарттардың орындалуы;

Іс-қағаздарын жүргізу: Келісім комиссиясының шешімдерін заңды түрде сауатты рәсімдеу.

Курсты мемлекеттік секторда, прокуратура мен әділет министрлігі органдарында, заң саласында және квазимемлекеттік секторда 15 жылдан астам тәжірибесі бар сарапшы, Atyrau Hub (Astana Hub) филиалының директоры жүргізуде. Спикер, ҚР Президенті жанындағы Мемлекеттік басқару академиясында 300 сағаттан астам дәріс берген, цифрландыру және құқық саласының білікті маманы.

Оқыту курсын сәтті аяқтаған барлық қатысушыларға еңбек заңнамасы мен келісім комиссиясының тетіктерін меңгергенін растайтын арнайы Академияда сертификаттар табысталады.

«AQNIET» Кәсіподақ мүшелерінің заңды білімін көтеру -еңбек ұжымындағы әділдік пен тұрақтылықтың кепілі!