Алматы қаласының жедел медициналық жәрдем қызметінің қызметкерлері мен «AQNIET» денсаулық сақтау және қоғамдық қызмет көрсету қызметкерлерінің Қазақстан салалық кәсіподағының Алматы филиалының өкілдері кәсіби тәжірибе алмасу және шұғыл медициналық көмек ұйымдастырудың озық тәжірибелерін зерделеу мақсатында Татарстан Республикасының Қазан қаласына іссапармен барды.

Делегация Қазан қаласындағы Денсаулық сақтау саласындағы мемлекеттік автономиялық мекеме – «Жедел медициналық жәрдем станциясының» жұмысымен танысып, онда шақыруларды диспетчерлеу, пациенттерді бағыттау, телемедицина технологияларын пайдалану және персоналды оқыту бойынша заманауи тәсілдер көрсетілді.

Сапар барысында тараптар кәсіби даму, қызметкерлерді ынталандыру жүйесі, еңбек жағдайларын жақсарту, сондай-ақ Қазақстан мен Татарстан кәсіподақтары арасындағы шұғыл медициналық көмек саласындағы әрі қарайғы ынтымақтастық мүмкіндіктерін талқылады.

«AQNIET» кәсіподағы халықаралық байланыстарды белсенді түрде дамытып, медициналық қызметкерлердің біліктілігін арттыру және тәжірибе алмасу бастамаларын қолдауды жалғастыруда.