Республикалық «AQNIET» денсаулық сақтау және қоғамдық қызмет көрсету қызметкерлерінің кәсіподағының төрағасы Бақытжан Тәжібай: «Медициналық қызметкерлерге жасалатын зорлық-зомбылыққа төзбеушілік» тақырыбында ҚР Денсаулық сақтау министрлігінің бастамасына орай YouTube арнасында сөз сөйледі.
ҚР Денсаулық сақтау министрлігі Қылмыстық кодекске медициналық қызметкерлерге қарсы қылмыстық әрекеттер үшін қылмыстық жауапкершілік енгізетін түзетулер жобасын ұсынды. Ұсынылған шаралар:
Қорқыту — 2 жылға дейін бостандығын шектеу Бір медицина қызметкеріне күш қолдану — 2 жылдан 7 жылға дейін бас бостандығынан айыру Төтенше жағдай кезінде шабуыл жасау — 10 жылға дейін Медициналық қызметкерлер тобына немесе топпен шабуыл жасау — 15 жылға дейін
Соңғы жылдары дәрігерлер мен медбикелерге жасалған 160-тан астам шабуыл тіркелді. Соңғы айлардағы шабуылдардың жиілеп кетуі, соның ішінде 17 шілдеде Қостанайда хирургтің қабылдау бөлімінде соққыға жығылуы – шұғыл шаралар қабылдау қажеттігінің дабылы болды.
«AQNIET» кәсіподағы медициналық қызметкерлердің құқықтарын жүйелі түрде қорғайды: Қазақстан бойынша іске қосылған «Медициналық адвокат» жобасы аясында 125-тен астам жағдай бойынша құқықтық көмек көрсетілді.«AQNIET» кәсіподағы Денсаулық сақтау министрлігінің бастамасын толық қолдайды:
Медицина қызметкеріне шабуыл — бұл ауыр қылмыс, және ол нақты жазаға тартылуы тиіс!
Біз талап етеміз: медиктерге шабуылды жазасыз қалдыруға болмайды!
Бақытжан Тәжібайдың толық сөзін және пікірлерін келесі сілтемеден көре аласыз:
