Осындай шаралардын бірі ағымдағы жылдың 2 қазанында Ақтөбе қалалық №2 емханасынында Ақниет кәсіподағының бастауыш ұйымының төрағасы Әшім Оқапұлының ұйымдастыруымен қарттар күніне арналған мерекелік дастархан жайылып, сыйлықтар таратылды. Жиналған ардагерлерді Кәсіподақтың облыстық филиалының төрайымы Л.Жазықова мен емхана басшылығы құттықтап, игі тілектерін білдірді. Қарттарымыз бір бірін көріп балаша мәз болысып, естеліктерін айтып, бір марқайып қалды.

Бұл күн аға ұрпаққа деген құрмет, қамқорлық пен ілтипаттың маңыздылығын еске салады. Кәсіподақ әрқашан әлеуметтік әділеттілікті қамтамасыз етуге ұмтылып, қарттардың тұрмыс жағдайын жақсарту үшін күреседі.

Қарт адамдар – мол тәжірибе мен даналықтың тасымалдаушысы ғана емес, қоғамымыздың белсенді мүшелері. Біз әрбір адам қартайған шағында лайықты өмір сүруге лайық деп есептейміз.

Біз олардың лайықты зейнетақыға, сапалы медициналық көмекке және мәдени шараларға қол жеткізу құқығын қолдаймыз.

Әр адам құрмет пен қамқорлыққа ие болатын қоғам құру үшін бірге жұмыс істейік.