2024 жылғы 24 қыркүйекте Өзбекстан Республикасының астанасы Ташкент қаласында «Денсаулық сақтау қызметкерлерінің құқықтарын қорғау» атты дөңгелек үстел өтті.

Іс-шара Ана мен бала денсаулығын сақтау жөніндегі республикалық арнайы ғылыми-практикалық медицина орталығының базасында ұйымдастырылды. Кездесуге Ташкент қалалық денсаулық сақтау қызметкерлері кәсіподағының төрайымы Гульноза Тошпулатова және «AQNIET» Кәсіподағының Астана қалалық филиалының төраға орынбасары Наталья Тё бастаған қазақстандық делегация мен бастауыш кәсіподақ ұйымдарының белсенділері қатысты.

Кездесу барысында медицина қызметкерлерінің еңбек жағдайларын жақсарту, қауіпсіз еңбек ортасын қалыптастыру, жалақы мен әлеуметтік кепілдіктерді қамтамасыз ету, денсаулық сақтау қызметкерлерін қорғау және ортақ жобаларды жүзеге асыру мәселелері талқыланды.

Айта кету керек, осы жылдың көктемінде Астана қаласында екі елдің кәсіподақтары арасында ынтымақтастық туралы келісімге қол қойылған болатын.

Бүгінде бұл келісімнің нақты нәтижелері – тәжірибе алмасу, бірлескен жобалар және аймақ дәрігерлерінің бір дауыспен сөйлеуі көрініс табуда.

Бұл кездесудің мәні зор: «AQNIET» Кәсіподағы — бұл нақты нәтижелерге бағытталған, медицина қызметкерлерінің құқықтары мен мүдделерін шынайы қорғап жүрген ұйым.

? Бірлік пен ынтымақ – біздің басты күшіміз!

Даусыңызды еститін «AQNIET» Кәсіподағына қосылыңыз – өз!