25 қазан – Республика күніне орай денсаулық сақтау саласының қызметкерлерін марапаттау рәсімі өтті. Салтанатты жиынға Маңғыстау облысы әкімінің орынбасары Ғалымжан Ниязов, «Ақниет» кәсіподағы Маңғыстау облыстық филиалының төрайымы Жанна Сайым және медицина саласының ардагерлері мен мамандары қатысты.

Ғалымжан Ниязов медицина қызметкерлерін ұлттық мерекемен құттықтап, халық денсаулығын сақтау жолындағы жауапты еңбектеріне алғыс білдірді.

Салтанатты іс-шарада медицина қызметкерлері ҚР Денсаулық сақтау министрлігінің ведомстволық наградаларымен, «Еңбек ардагері», «Денсаулық сақтау ісіне қосқан үлесі үшін», «Денсаулық сақтау ісінің үздігі» төсбелгілерімен, министрліктің Құрмет грамотасы және Алғыс хатымен марапатталды. Сонымен қатар медицина саласының үздіктеріне Санжар Асфендияров атындағы арнайы төсбелгі, «Университет мақтанышы» медалі, «Ардагер» және «Авиценна» төсбелгілері табысталды.