AQNIET-ПЕН КЕЗЕКТІ САЯХАТ!
Кәсіподақ күніне орай Стамбулға саяхат!
«AQNIET» Қазақстандық денсаулық сақтау және қоғамдық қызмет көрсету қызметкерлері салалық кәсіподағының Алматы қаласы мен Алматы облысы филиалының төрағасы Даутова Алтын Жүсіпқызының бастамасымен Кәсіподақ күніне орай Түркияның әсем Стамбул қаласына саяхат ұйымдастырылды.
Аталған саяхатқа кәсіподақ мүшелерінен құралған 20 адам қатысуда.
Қазіргі таңда саяхат қатысушылары тарихы терең, мәдениеті бай, Еуропа мен Азияны тоғыстырған Стамбул қаласының көрікті жерлерін аралап, тарихи және мәдени орындарымен танысуда.
Бұл саяхат – кәсіподақ мүшелерінің күнделікті еңбек қарбаласынан бір сәт тынығып, жаңа әсер алып, рухани сергіп, әріптестерімен достық қарым-қатынастарын нығайтуына берілген тамаша мүмкіндік.
«AQNIET» кәсіподағы үшін әрбір мүшенің еңбегі, демалысы және әлеуметтік әл-ауқаты маңызды!Алдағы уақытта да кәсіподақ мүшелеріне арналған осындай мәдени-танымдық саяхаттар мен демалыс шараларын ұйымдастыру жалғасын табады.
AQNIET – бірлік пен берекенің, қамқорлық пен жарқын мүмкіндіктердің мекені!
