AQNIET кәсіподағының Алматы қаласындағы филиалының құрамындағы медициналық мекемелер “Әйелдерге қатысты зорлық-зомбылыққа қарсы” Республикалық акция аясында іс-шара өткізді.
AQNIET Қазақстан Денсаулық сақтау қызметкерлерінің салалық кәсіподағы Алтын Жүсіпқызы Дәутованың бастамасымен әйелдерге қатысты зорлық-зомбылыққа қарсы республикалық акция шеңберінде арнайы іс-шара ұйымдастырып, оны жоғары деңгейде өткізді.
25 қараша мен 10 желтоқсан арасындағы бұл акция — Әйелдерге қатысты зорлық-зомбылықты жою үшін халықаралық күрес күні аясында әлемдік денгейде өткізілуде.Бұл күн БҰҰ бекіткен маңызды дата болып саналады және әйелдер мен қыздарға қатысты физикалық, психологиялық, экономикалық және еңбек саласындағы зорлық-зомбылықтың барлық түрлерінің алдын алуға арналған.
Өткізілген іс-шаралар аясында:әйелдер құқығы, дискриминацияның алдын алу, моббинг және жұмыс орнындағы психологиялық қысым туралы дәрістер мен түсіндіру семинарлары әр мекемеде жүргізілді.
AQNIET кәсіподағы қоғамдағы зорлық-зомбылыққа қарсы күресте белсенді ұстанымын жалғастыра отырып, әрбір әйелдің қауіпсіздігі мен құқығын қорғауды басты міндеттердің бірі деп санайды.
