Бүгін – «AQNIET» Кәсіподағының қызметі туралы айтуға тамаша мүмкіндік. Қазіргі таңда Кәсіподақ 2026–2028 жылдарға арналған жаңа салалық келісім жобасын әзірлеу бойынша белсенді жұмыс жүргізуде.
Салалық келісімнің орындалуын бақылау мақсатында Денсаулық сақтау министрлігі мен облыстық денсаулық сақтау басқармаларына хаттар жолданды.
Қолданыстағы Салалық келісімде бірқатар әлеуметтік-экономикалық жеңілдіктер бар:
- Негізгі еңбек демалысына қосымша +6 күн;
- Барлық қызметкерлерге жалақы мөлшеріндегі сауықтыру төлемі;
- Еңбек ақы есептеу кезінде біліктілік санаты (деңгейі) ескеріледі;
- Әр 5 жыл сайын қажетті сағат көлемінде кәсіби оқыту;
- Медициналық тексерулерді жұмыс беруші есебінен өткізу;
- Еңбек қауіпсіздігі мен еңбекті қорғау талаптары: арнайы киіммен, арнайы тағаммен қамтамасыз ету және т.б.;
- және басқа да әлеуметтік кепілдіктер.
Маған белгілі болғандай, көптеген медициналық ұйымдарда қызметкерлердің құқықтары жаппай бұзылып, олардың заңды еңбекақылары толық төленбейді. Мұндай айырмашылықтар жылына бір дәрігерге 3000 АҚШ долларына дейін жетуі мүмкін. Сонымен қатар, заңсыз жұмыстан босату, буллинг, еңбек нормаларының сақталмауы және қызметкерлердің шамадан тыс эксплуатациясы жиі кездеседі.
Осыған байланысты «AQNIET» Кәсіподағы қызметкерлер арасында арнайы сауалнама жүргізуді бастады. Себебі уәкілетті органдардан келіп түсетін ақпаратта өңірлерде салалық келісім талаптары 100% орындалып жатыр деп көрсетіледі, бірақ нақты жағдай басқаша.
«AQNIET» Кәсіподағы үшін институционалдық қызмет — басты бағыт. Сол себепті жүйелі жұмыс жүргізілуде. Нақты деректер көрсеткендей, тек «AQNIET» Кәсіподағында ғана құқықтық және экономикалық қызмет, еңбек қауіпсіздігі жөніндегі мамандар бар. Бұл қызметкерлердің құқықтары мен мүдделерін іс жүзінде тиімді қорғауға мүмкіндік береді.
Соңғы екі жылда «AQNIET» Кәсіподағы 125-тен астам қызметкердің құқығын қорғады — қылмыстық және әкімшілік істер бойынша, сондай-ақ үшінші тұлғалардың зорлық-зомбылық жағдайларында.
Бұдан бөлек, жыл сайын кәсіподаққа 4500–5000-ға дейін өтініш түседі: еңбекақы, еңбек қатынастары, құқықтық көмек, әлеуметтік және материалдық қолдау мәселелері бойынша.
Заңнамаға сәйкес кәсіподақтың кең әлеуметтік-экономикалық мандаты бар. Бұл мандатты «AQNIET» Кәсіподағы барлық сала қызметкерлерінің игілігі үшін іске асырады.
Менің жеке пікірім:
тек «AQNIET» кәсіподағы ғана медициналық салада адал еңбек пен әлеуметтік әділдікке қол жеткізу үшін нақты мүмкіндіктерге, ресурстарға және ең бастысы — нақты әрекеттерге ие.
? Ізгі жандар, «AQNIET»-пен бірге болыңыздар!
