Кәсіподақ активінің кәсібилігін арттыру қашанда «AQNIET» Кәсіподағының қызметіндегі басым бағыттарының бірі болып қала береді.

Ағымдағы жылдың 30-31 қаңтарында «Денсаулық» СОО базасында бастауыш кәсіподақ ұйымдарының төрағалары үшін «Жұмыскерлерді кәсіподаққа тарту технологиясы. Мотивацияның заманауи әдістері».

Кәсіподақ қатарын нығайту, кәсіподақ мүшелігін ынталандыру бойынша жұмыс оның формалары мен әдістерін үнемі жетілдіріп, оған белгілі бір жүйелілік беруді талап етеді.

Семинарды Кәсіподақ төрағасы Бақытжан Тәжібай ашып, «Саланы реформалау жағдайындағы «AQNIET» кәсіподағының жұмыс тәжірибесі туралы» презентациясымен сөз сөйлеп, кәсіподақ мүшелерінің құқықтарын қорғау жөніндегі мақсаттар мен міндеттерге қол жеткізудегі Кәсіподақтың мүмкіндіктері туралы баяндады.

Семинар спикері «KAMEDA» қоғамдық қорының атқарушы директоры Махаббат Еспенова мотивация және оны басқару процесін, кәсіподаққа тарту технологияларын жоспарлау, ұйымдастыру, жандандыру, бақылау, үйлестіру қажеттігін егжей-тегжейлі ашып, ақпараттық жұмыс әдістерін қолдану арқылы жұмыскерді кәсіподаққа тарту әдістемесіне баса назар аударды.

Төраға Бақытжан Тәжібай семинардың екі күнін қорытындылай келе, қатысушыларға белсенділіктері үшін алғыс айтып, оқытуды өткізудің маңыздылығын атап өтті, өйткені қызметкерлердің құқықтарын қорғаудағы іс-қимылдардың табыстылығы Кәсіподақ көшбасшысының кәсібилігіне де байланысты.

Семинар соңында қатысушыларға оқудан сәтті өткені туралы сертификаттар табысталды.

Семинарға қатысушылар қызықты әрі мазмұнды семинар үшін дәріскерге алғыстарын білдірді.