Көктем мерекесі қарсаңында, 07.03.2023 жылы, Атырау облыстық балалар стоматологиялық емханасында «AQNİET» Қазақстандық денсаулық сақтау қызметкерлері салалық кәсіподағының бастауыш ұйымын құру жөніндегі күн тәртібімен, ұжымның құрылтай жиналысы өтті.

Жарыс сөзде сөйлеген қызметкерлер “Сенім” кәсіподағынан көмек, қамқорлық болмағанын айтып, бұрынғы 100 жылдық тарихы бар «AQNİET» Кәсіподағының мүшелігіне өтуге шешім қабылдаған.

Бір айта кететін жағдай, жиналыс өтіп жатқан кезде, бір топ қызметкерлер «AQNİET» Кәсіподағының мүшелігіне өту жөнінде өтініштерін әкеліп, жиналысқа қатысқылары келетіндерін айтты. Өтініштері қабылданып, аталған қызметкерлер талқыланып жатқан мәселеге белсене араласты. Жиналысқа қатысушылар бір ауыздан дауыс беріп, емханада «AQNİET» бастауыш кәсіподақ ұйымы құрылды. Ұжым мүшелері жаңадан сайланған Кәсіподақ белсенділеріне жұмыстарының табысты болып, қызметкерлердің қорғаушысы бола білулеріне тілек білдірді.