«AQNİET»  Қазақстандық денсаулық сақтау қызметкерлерінің салалық кәсіподағы ағымдағы жылдың 1 наурызында ZOOM платформасында бейнеконференцбайланыс режимінде денсаулық сақтау ұйымдарында ұжымдық шарт жасасу тәртібі туралы әдістемелік ұсынымның жобасын талқылау бойынша вебинар ұйымдастырды.

Вебинарға «AQNİET»  Кәсіподағының филиалдары мен бастауыш кәсіподақ ұйымдарының 42-ге жуық төрағалары қатысты.

Кәсіподақтың заң бөлімінің меңгерушісі Е. Бүркітбаев «Ұжымдық шарт жасасу технологиясы» презентациясымен сөз сөйлеп, Ұжымдық шарт жасасудың негізгі («табысқа жетудің 7 қадамы») тұстарын кезең-кезеңімен түсіндіріп:

• ұжымдық шарт жасасуға негіз;
• ұжымдық келіссөздер жүргізу тәртібі;
• ұжымдық шарт жобасын құру;
• ұжымдық келіссөздер барысында туындайтын келіспеушіліктерді шешу;
• ұжымдық шартқа қол қою және тіркеу;
• ұжымдық шарттың орындалуын бақылау;
• ұжымдық шартты орындамағаны үшін жауапкершілік атты маңызды мәселелер қарастырды.

Вебинар тыңдаушылардың қызығушылығын тудыртып, қатысушылар көптеген өзекті сұрақтар қойып, оларға толық жауаптар алды.