Түрген шатқалында орналасқан «Денсаулық» сауықтыру оңалту орталығында Алматы облысы және Жетісу облысы филиалының Атқару кенесінің ұйғарымымен кезекті

N 5/15-9 16.12.2022 ж. кеңейтілген төраға/айым отырысы өтті.

Күн тәртібіндегі сегіз сұрақ толығымен қаралды. Жыл бойы жасалған жұмыстарға оң баға беріліп, алдымыздағы жылдың жоспары қабылданды.

Сонымен қатар «AQNİET» Кәсіподағы Астана қаласындағы филиалының ұйымдастыруымен “Жұмыс кезінде туындайтын кикілжіңдерден медициналық қызметкерлердің құқығын қорғау” жайындағы мағлұматтарды заңгер, заңды кеңес беру палатасының мүшесі – Қойшыбекова Гүлнұр Керейқызы мен медициналық қызметкерлердің қоғамдық қорғаушысы, тәуелсіз медициналық консалтингінің директоры – Нұрсапанов Дәурен Сайрамғазыұлы медицина қызметкерлерінің күнделікті жұмыс барысында туындайтын кикілжіңдерден кейстер қаралып, одан қорғану тәсілдері жайлы ұсыныстар айтты.

Түс қайта “Камеда” қоғамдық қорының атқарушы директоры – Еспенова Махаббат Мақсұтқызы ” Эмоционалдық интеллект және келіссөздер жүргізу” атты семинарын бастап кетті. Семинарға қатысқан Кәсіподақ белсенділері Астана филиалы, Алматы және Жетісу облысы филиалы және Алматы қ. филиалынан қырықтан астам адам білім қоржының толықтырды.

Эмоционалдық интеллект – адамның өзінің эмоциясы мен басқа адамдардың эмоциясын тани және бақылай алуы, оларды ажырата білуі және соны өзінің ойлануы мен іс- әрекетіне қолдануы.

Әділетсіздік пен жемқорлық жайлаған кезде “ақылды елге қарайды, ақылсыз өрге қарайды” дегенде, дана халқымыздың да эмоционалды интеллектінің, оның белгілері барын байқаймыз.

Қатысушылар семинардың пайдалы және практикада қолданысқа алатын жағын жоғары бағалады.

«AQNİET» Кәсіподағы қатарындағы белсенділерді жүйелі түрде әртүрлі форматтағы семинарларда, курстарда оқыта келе еліміздегі, халықаралық қолданыстағы заңдарды тиімді пайдалана отыра Кәсіподақ мүшелерінің құқығын ‘қорғауға’ алады.

«AQNİET» Қазақстандық денсаулық сақтау қызметкерлері салалық кәсіподағы Алматы және Жетісу облысы филиалының төрағасы Асан Мұқанұлы Шалтабаев