Бүгін “Нұр Отан”партиясы Павлодар аудандық филиалының базасында халықтың санитарлық-эпидемиологиялық салауаттылығы және қоғамдық денсаулықты сақтау мәселелері бойынша қоғамдық бірлестіктер өкілдерімен кездесу өтті.

Бірлескен іс-шаралар жоспарын талқылауға және өзара ынтымақтастық туралы Меморандум жасасуға “Қазақстандық денсаулық сақтау қызметкерлерінің салалық кәсіптік одағы” ҚБ Павлодар облыстық филиалы, “Замандас” ардагерлер клубы, кәсіпкерлерге көмек көрсету республикалық орталығы, “Павлодар облысының мемлекеттік, банк мекемелері мен қоғамдық қызмет көрсету ұйымдары қызметкерлерінің жергілікті кәсіподағы” ҚБ және т. б. сияқты қоғамдық бірлестіктер ниет білдірді.

Қоғамдық бірлестіктердің мақсатты аудиториясы бар және олармен тығыз өзара іс-қимыл бізді халыққа жақындатар еді. Өйткені, олар халықтың осы бөлігінің мәселелерін, сұраныстарын, күтулерін біледі.

Талқылау барысында бірлескен іс-шараларды өткізу жөнінде әртүрлі идеялар ұсынылды.

“Қазақстандық денсаулық сақтау қызметкерлерінің салалық кәсіптік одағы” ҚБ Павлодар облыстық филиалының төрағасы А.С. Темірбаев жоспар тармағын толықтыру туралы ұсыныс енгізді. Өйткені санитарлық қызметте бұрын еңбек атқарған қызметкер үшін қызылшаға қарсы екпе жасау, екпеден бас тарту туралы мәселелерді атап өтпеу мүмкін емес. Өзекті мәселе туралы ұсыныс бірлескен жоспарға енгізілетін болады.

Дөңгелек үстел соңында басқарма мен қоғамдық бірлестіктер арасында ынтымақтастық туралы меморандум жасасу туралы шешім қабылданды.

Дөңгелек үстелге қатысушылар өткен кездесуге қанағаттанушылық білдіріп, осындай жұмыстарды жалғастыруға ниет білдірді.