Үстіміздегі жылдың 13-сәуірі күні Панфилов ауданында аудандық медицина қызметкерлері кәсіподақ ұйымының ұйымдастыруымен «Сау болу-сәнді!» тақырыбында денсаулық күні аталып өтті. Денсаулық күнін өткізудің негізгі мақсаты – әр азаматты салауатты өмір салтын ұстануға, ауруып ем іздеудің емес, ауырмаудың жолын іздеуді үйрету болып табылады. Шара барысында Елбасымыздың «Ұлы даланың жеті қыры» атты мақаласын негізге ала отырып, қазақ халқының ұлттық спорттық ойындарын жас ұрпаққа насихаттап, үйрету мақсатында медицина қызметкерлерінен құралған 7 топ арасында спорттық сайыс ұйымдастырылды. Оның ішінде «асық ату», «тоғыз құмалақ» ойындар да болды. Бұл іс-шараға арнайы қонақтар аудан әкімінің орынбасары Мағрупова Р.А. шақырылып әділ-қазы алқалар тағайындалды. Сайысқа түскен 7 топтың ішінде «Жүзден жүйрік» атанған Көктал ауылдық  ауруханасының қызметкерлері және басқада топ мүшелері бағалы сыйлықтармен марапатталды. Соңында, қазақ үйде жайылған дастарханнан наурыз  көжеден дәм татты.