Халықаралық балаларды қорғау күні 1950 жылдың 1-ші маусымынан мереке болып аталып келеді. Ғарышкер де, ғалым да, данышпан да осы сүйкімді періштелер, балалық шақты меңгергеннен кейін ғана үлкен өмірге қадам басып, жол тартады. Жас ұрпақтарымызға жақсы тәрбие беру, үйлесімді дамуына үлес қосу баршамыздың міндетіміз. Ол туралы өз сөзінде ҚР президенті Қ.К. Тоқаевта баса айтқан болатын және де іс-шараларды мерекелік, ұранды, көзбояушылық түрде емес, нақты балаларды қорғау мақсатында – жасөспірім жылу, махаббат пен қамқорды сезініп қабылдайтындай дәрежеде өткізу керек. «AQNİET»  кәсіподағының Талдықорған филиалы да сауапты істен құр қалмай өз үлесін қоса отырып, ‘балалар үйінде’ тәрбиеленетін бүлдіршіндерге әртүрлі жүзге жуық ойыншық пен тәттілерін сыйға тартты. “Қуанса бала қуансын”. Балаларда, мекеме қызметкерлері де мәре-сәре болып қуанып, жүректен шыққан тілектерін бір-біріне жолдап тарасты. ‘Балаларды қорғау күні’-мен құттықтай отырып, еліміздегі жас өскелең ұрпаққа бақытты балалық шақ, сыңғырлаған күлкі, дендеріне саулық пен елдің ертеңгі тірегі және мақтанышы болып қалыптасуына тілектеспіз!.

«AQNİET» Қазақстандық денсаулық сақтау қызметкерлері кәсіподағының Талдықорған филиалы