2015 жыл  ақпан айының 23 мен 27 аралығында Молдова Республикасы Кишинев қаласында Молдова кәсіподақтарының ұлттық конфидерациясының Еңбек институты «Әйелдердің  лайықты еңбек құқықтары  және олардың мүмкіндіктерінің теңдестігін жетілдіру: тәжірибе және перспективалар» тақырыбында өткізген оқу семинарына Кәсіподақтың Оңтүстік Қазақстан облыстық филиалының төрайымы  Ағниязова Рита Сәкенқызы қатысты. Семинар жұмысына Молдова Республикасы, Қазақстан, Қырғыстан, Тәжікістан мемлекеттерінің кәсіподақ ұйымдарының әйелдері қатысты.

Семинар Халықаралық Еңбек ұйымының Москва қаласындағы бюросымен  ынтымақтастықта ұйымдастырылып, семинар барысында  Молдова Республикасы кәсіподақтарының  ұлттық  конфидерациясының төрағасы – О.Будза, кәсіподақтар ұлттық конфидерациясының жанындағы әйелдер ісі жөніндегі Кеңесінің төрайымы – Л.Ротарумен кездесулер және әйелдер ісі жөніндегі Кеңес мүшелерінің қатысуымен  дөңгелек үстелдер өткізілді.  Кездесулер барысында ана мен бала денсаулығы, әйелдерді кемсіту жағдайлары, әйел және ер азаматтардың еңбек ақыларының айырмашылықтары туралы маңызды  мәселелер көтерілді. Бұл мәселелер Молдова Республикасының Парламентінде үнемі көтеріліп өзінің оң шешімін тауып келеді.

Халықаралық еңбек ұйымы қолдауымен өз қызметін жасап жүрген жас кәсіподақ қызметкерлерін оқытумен айналысатын кәсіподақ мектебінің жұмысымен танысу семинар қатысушыларында үлкен әсер қалдырды.  Кәсіподақ қызметкерлері біліктіліктерін  жетілдіру мақсатында аптасына екі рет өзінің негізгі жұмысынан соң осы мектеп сабақтарына белсенді қатысып келеді.

Кәсіподақтардың ұлттық конфедерациясының жанында республикалық еңбек қорғау мәселелері бойынша инспекция құрылып, оның құзырына ұйымдар мен мекемелерде   жоспарлы түрде тексерулер өткізу кіреді.
Жастармен жұмыс жүргізу бойынша құрылған комиссия кәсіподақ мүшелігін насихаттау туралы ауқымды іс-шаралар өткізіп, жұмысшы жастардың проблемаларын жұмыс орындар мен кәсіпорындарда шешілуін қамтамасыз етеді және жастардың еңбек құқықтарын түсіндіру жұмыстарын өткізеді.

НОВОСТИ

ОЗДОРОВИТЕЛЬНЫЙ ЦЕНТР

В Тургеньском ущелье на берегу горной реки удобно разместился наш Оздоровительный реабилитационный центр “Денсаулық”. Здесь, среди гор на берегу реки, вы сможете провести незабываемый отдых, подышать чистейшим воздухом, насладиться тишиной, пением птиц, полюбоваться прекрасной природой. www.spaturgen.kz

[democracy id=”3″]

[democracy id=”2″]

ПОЛЕЗНЫЕ ССЫЛКИ

Управление общественного здравоохранения города Нур-Султан
Акимат г. Нур-Султан
Министерство здравоохранения РК
Международная Организация Труда
"Казахстанский отраслевой профессиональный союз работников здравоохранения" г. Нур-Султан
Public Service International
EPSU