АҚТАУ ҚАЛАСЫНДА МЕДИЦИНА ҚЫЗМЕТКЕРЛЕРІ КҮНІНЕ ОРАЙ ФУТБОЛ ТУРНИРІ ӨТТІ
2025 жылғы маусым айының алғашқы жартысында Ақтау қаласында медицина саласы қызметкерлеріне арналған ерекше спорттық іс-шара өтті.
«AQNIET» Қазақстандық денсаулық сақтау және қоғамдық қызмет көрсету қызметкерлерінің салалық кәсіптік одағының Маңғыстау облыстық филиалының қолдауымен облыстық медициналық мекемелер арасында шағын футболдан турнир ұйымдастырылды.
Іс-шара Медицина қызметкерлері күніне орай өткізілді және спорт арқылы ұжымдық рухты арттырып, саламатты өмір салтын насихаттауды мақсат етті.
Турнирге Ақтау, Жанаөзен қаласының, Бейнеу, Мұнайлы және Тұпқараған аудандағы мекемелерінен құралған бірнеше команда қатысты. Ойындар қызу тартысқа толы өтіп, командалар өз шеберліктерін, ауызбіршілігін және спортқа деген қызығушылығын көрсетті. Жеңімпаздар мен жүлдегерлерге AQNIET кәсіподағы атынан дипломдар мен естелік сыйлықтар табыс етілді.
Филиал төрайымы Жанна Сайым турнирдің жабылуында сөз сөйлеп, барша медицина қызметкерлерін кәсіби мерекелерімен құттықтап, салауатты өмір салтын дәріптеуге қосқан үлестері үшін ризашылығын білдірді.
