Бүгін, 10 мамыр күні «Aspan» спорт кешенінде «AQNİET» Қазақстандық денсаулық сақтау қызметкерлерінің салалық кәсіподағының 100-жылдығына орай Астана қаласы денсаулық сақтау ұйымдарының арасында шағын футболдан турнир өтті. Турнирге 24 команда қатысып, алаңда өз шеберліктерін байқатты. Ойын қызықты және  тартысты түрде өтті.  Жарыстың үздік ойыншылары  сайыс барысында  доп алып жүру техникасы, нәтижелі пас беру, қақпаға  допты тура бағыттау жағынан көзге түсе білді. Футбол жарысында Ұлттық ғылыми кардиохирургия орталығы және Қалалық жедел медициналық жәрдем станциясы  командалары тактика жағынан  жоғары шеберліктерін көрсете білді.

Жарыстың нәтижесі бойынша, командалық есепте бірінші орынды – Ұлттық ғылыми кардиохирургия орталығы командасы, екінші орынды – Қалалық жедел медициналық жәрдем станция командасы және үшінші орынды – № 1 көпбейінді қалалық аурухана командасы иеленді.

Жарыс жеңімпаздарына «AQNİET» Қазақстандық денсаулық сақтау қызметкерлерінің салалық кәсіподағының І, ІІ, ІІІ – дәрежелі дипломдары, кубоктары және сыйлықтары табысталды.